जबराको दाबी:आफू नै मंसिर २७ गतेसम्मका लागि प्रधानन्यायाधीश

काठमाडौँ , १ असोज |महाअभियोग लागेपछि निलम्बित भएका प्रधानन्यायाधीश चोलेन्द्रशम्शेर जबरा सर्वोच्च अदालत फर्किन लागेको हल्लापछि सर्वोच्च अदालत परिसरमा व्यापक रुपमा सुरक्षाकर्मी परिचालन गरिएको छ । आइतबार बिहान बसेको एशोसिएसनको आकस्मिक बैठकले जबरालाई सर्वोच्च प्रवेशमा रोक लगाउने निर्णय गरेको हो ।

महाअभियोगको कारबाही टुंगो नलाग्दै आइतबारदेखि नियमित काममा फर्किन लागेको सूचना पाएपछि जबरालाई सर्वोच्च प्रवेशमा रोक लगाउने निर्णय गरेको हो ।

महाभियोग लगाउनुपर्ने आधार र कारण रहेको भन्दै संसद्को महाभियोग सिफारिस समितिले प्रतिवेदन बुझाएपछि साँझ जबराले आफू सर्वोच्च अदालतको नियमित जिम्मेवारीमा फर्कछु भन्दै सर्वोच्च अदालतमा खबर दिएका थिए ।

‘निलम्बित’ प्रधानन्यायाशीध चोलेन्द्रशम्शेर राणालाई बालुवाटारस्थित निवासबाट निस्कन निषेध गरिएको छ । महाअभियोग लगाउने संसद नै निस्क्रिय रहेको भन्दै महाअभियोग पनि स्वत खारेज भएको दाबी  गर्दै जबराले आफू मंसिर २७ गतेसम्मको प्रधानन्यायाधीश दाबी गरेका छन् । त्यस्तै उनले उक्त समयसम्म वालुवाटारको क्वाटर नछोड्ने घोषणा गरेका छन् ।