नक्शा पास नगरी बनेका भवनहरुलाई काठमाडौं महानगरको ९० दिने अल्टिमेटम

काठमाडौँ, २३ भाद्र । काठमाडौँ महानगरपालिकाले नक्सा पास नगरी बनाइएका घर तथा भवनहरुका लागि ९० दिने सूचना जारी गर्दै नक्शा र विवरण पेश गर्न भनेको छ ।

बिहीबार एक सूचना जारी गर्दै महानगरले ब्यक्ति, संघसंस्था, संस्थान तथा सरकारी निकायहरुको भवनको नक्सा ९० दिनभित्र पेस गर्न सुचित गरेको हो ।

तोकिएको समयभित्र नक्सा पेस नगरेमा त्यस्ता भवनहरूको विवरण संकलन गरी स्थानीय सरकार सञ्चालन ऐन २०७४, प्रचलित भवन निर्माण सम्बन्धी मापदण्ड, संहिता, कार्यविधि र महानगरपालिकाको निर्णय बमोजिम कारबाही गरिने सुचनामा भनिएको छ।