नेपाल बन्दको प्रभाव:सार्वजनिक बसमा तोडफोड

काठमाडौँ, ७ भाद्र । नेत्र विक्रम चन्द “विप्लव” को नेकपा सहित चार दलिय मोर्चाले आव्हान गरेको नेपाल बन्दको असर देशको केन्द्रीय राजधानी काठमाडौंमा पनि परेको छ। बिहानैदेखि देशका अन्य जिल्लामा बजार, यातायात सबै ठप्प परेका छन् ।

कोटेश्वरको राष्ट्रिय वाणिज्य बैंक नजिक एक सार्वजनिक बसमा पाँच छ जनाको अज्ञात समूहले बन्दको अवज्ञा गरेको भन्दै तोडफोड गरेको छन् । बन्दको क्रममा  बन्दकर्ताको एक समूहमा कोटेश्वरबाट बालकुमारीतर्फ जाँदै गरेको बा ४ च ९३९४ नम्बरको बस तोडफोड गरेको हो । गाडीमा ढुङ्गा प्रहार गरी सिसा फुटाइएको   प्रहरीले जनाएको छ ।

बैतडीका दुई ठाउँमा बम जस्तै शंकास्पद वस्तु भेटिएको छ ।जिल्लाको सतबाँझ क्षेत्रमा सडकमा राखिएको अवस्थामा शंकास्पद वस्तु फेला परेको जिल्ला प्रहरी कार्यालय बैतडीले जनाएको छ ।

सतबाँझको भण्डारी आयलस्टोर नजिकै सडक किनारमा प्रेसर कुकरमा तार बेरिएको अवस्थामा शंकास्पद वस्तु फेला परेको छ भने अर्को सतबाँझ–गोकुलेश्वर सडकखण्डको बीचमा पनि शंकास्पद वस्तु भेटिएको जिल्ला प्रहरी कार्यालय बैतडीका प्रवक्ता प्रहरी निरीक्षक लोकराज जोशीले जानकारी दिए ।