एकीकृत समाजवादीबाट सरकारमा सहभागी मन्त्री फिर्ता,नयाँ मन्त्रीमा चार जना सिफारिस

नेकपा एकीकृत समाजवादीले आफ्नो पार्टीको तर्फबाट मन्त्री भएकाहरुलाई २४ घण्टाभित्र फिर्ता बोलाउने निर्णय गरेको छ।आइतबार पार्टी कार्यालय तीनकुनेमा बसेको नेकपा समाजवादीको सचिवालय बैठकमा सरकारमा पार्टीबाट मन्त्रीहरुको हेरफेरका बारेमा छलफल भएको थियो । सो बैठकले त्यसको जिम्मा पार्टी अध्यक्ष माधवकुमार नेपाललाई दिएको छ ।

हाल देउवा नेतृत्वको सरकारमा एसबाट स्वास्थ्य तथा जनसंख्या मन्त्री विरोध खतिवडा, शहरी विकासमन्त्री रामकुमारी झाँक्री, पर्यटनमन्त्री प्रेम आले, श्रममन्त्री किसान श्रेष्ठ र स्वास्थ्य राज्यमन्त्री भवानी खापुङ रहेका छन् ।सरकारमा रहेका मन्त्रीलाई फिर्ता बोलाएर नयाँ पठाउने निर्णय गरेको हो ।

अब सो पार्टीको तर्फबाट मेटमणि चौधरी सहरी विकास, भवानी खापुङ स्वास्थ्य, जीवनराम श्रेष्ठ पर्यटन, शेरबहादुर कुँवर श्रममन्त्री तथा हीरा केसी स्वास्थ्य राज्यमन्त्री हुने भएका छन्।