माघ, काठमाडौं । नेपाली कांग्रेसले पार्टीमा निष्क्रिय रहेका तथा विभिन्न कारणले पार्टी परित्याग गरेका नेता–कार्यकर्तालाई पुनः पार्टीमा फर्कन औपचारिक आह्वान गरेको छ। निर्वाचन आयोगबाट आधिकारिकता प्राप्त भएपछि बसेको पार्टीको दोस्रो केन्द्रीय कार्यसमिति बैठकले यस्तो निर्णय गरेको हो।
बैठकका निर्णय सार्वजनिक गर्दै पार्टी प्रवक्ता देवराज चालिसेले पार्टीभित्र निष्क्रिय रहनुभएका तथा विगतमा अलग भएका सबैलाई पुनः नेपाली कांग्रेसमा जोडिन आग्रह गरिएको जानकारी दिए। पार्टीलाई थप सशक्त र एकताबद्ध बनाउने उद्देश्यका साथ यो निर्णय लिइएको उनले बताए।
त्यसैगरी, आगामी फागुन २१ गते हुने निर्वाचनमा पार्टीलाई सफल बनाउन सबै तहका नेता, कार्यकर्ता र समर्थकलाई सक्रियतापूर्वक लाग्न अपिल गर्ने निर्णय पनि बैठकले गरेको छ। स्वदेश तथा विदेशमा रहेका सम्पूर्ण कांग्रेसजनलाई निर्वाचनमा नयाँ उत्साह र पुनः एकताको भावनासहित सहभागी हुन आह्वान गरिएको प्रवक्ता चालिसेले बताए।
बैठकले नेपाली कांग्रेसकै नेतृत्वमा अघि बढ्ने लोकतान्त्रिक प्रक्रियामा सम्पूर्ण देशवासीबाट आवश्यक साथ र सहयोग प्राप्त हुने विश्वास पनि व्यक्त गरेको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
