राप्रपालाई धोका दिएको छैन , अन्य विषयहरूमा सहकार्य हुन्छ : रवि लामिछाने

काठमाडौं । रवि लामिछाने ले उपसभामुख निर्वाचनमा राष्ट्रिय प्रजातन्त्र पार्टी (राप्रपा) लाई ‘धोका दिएको’ भन्ने आरोपबारे स्पष्टिकरण दिनुभएको छ। संघीय संसद भवनमा शुक्रबार पत्रकारसँग कुरा गर्दै उहाँले अन्तिम समयमा निर्णय परिवर्तन भएको स्वीकार गर्नुभयो। तर यसलाई धोका नभई परिस्थितिअनुसार लिइएको निर्णय भएको बताउनुभयो। उहाँका अनुसार राजनीतिक दलहरूबीच विभिन्न विषयमा छलफल हुनु सामान्य कुरा हो र उपसभामुखबारे पनि सबै दलसँग कुराकानी भएको थियो।

राप्रपा संसदीय दलका नेता ज्ञानेन्द्र शाहीले भने आफ्नो पार्टीलाई धोका दिइएको गुनासो गर्नुभएको थियो। यसबारे प्रतिक्रिया दिँदै लामिछानेले अन्तिम निर्णय गर्दा अन्य कारणहरूले पनि प्रभाव पार्ने भएकाले त्यसलाई नकारात्मक रूपमा बुझ्न नहुने बताउनुभयो। उहाँले आगामी दिनमा दलहरूबीच सहकार्य जारी रहने पनि संकेत गर्नुभयो।