जापानको चारदिने भ्रमण सकेर राष्ट्रपति पौडेल स्वदेश फर्किंदै

काठमाडौँ । राष्ट्रपति रामचन्द्र पौडेल जापानको चारदिने औपचारिक भ्रमण सकेर केहीबेरअघि टोकियोबाट नेपाल फर्कन प्रस्थान गरेका थिए । नेपाल–जापान कूटनीतिक सम्बन्ध स्थापना भएको ७० वर्ष पूरा भएको अवसरमा जापान सरकारको निमन्त्रणामा आयोजना गरिएको विशेष कार्यक्रममा सहभागी हुन उनी जापान गएका थिए ।

राष्ट्रपति पौडेल आइतबार प्रथम महिला सविता पौडेलसहित उच्चस्तरीय प्रतिनिधिमण्डलको नेतृत्व गर्दै टोकियो पुग्नुभएको थियो। भ्रमणका क्रममा उनले विभिन्न औपचारिक कार्यक्रममा सहभागिता जनाए।

नेपाल फर्कने क्रममा टोकियोको नारिता अन्तर्राष्ट्रिय विमानस्थलमा जापानस्थित नेपाली राजदूत हरिहरकान्त पौडेल र जापानको परराष्ट्र मन्त्रालयका उच्च अधिकारीहरूले राष्ट्रपति पौडेल र प्रतिनिधिमण्डललाई बिदाइ गरेका थिए।