महोतरीमा वडाअध्यक्षसहित पाँच नेताले माओवादी पार्टी त्यागेको घोषणा

माओवादी केन्द्र महोतरीका संयोजकसहित पाँच नेताले पार्टी त्यागकाे घोषणा गरेका छन्। अमेरिकी सहयोग परियोजना एमसीसी पारित गराउन नेतृत्वदायी भूमिका निर्वाह गरेको भन्दै महोत्तरीमा नेकपा माओवादी केन्द्रका पाँच जना नेताले पार्टी छाडेको घोषणा गरेका छन् ।

एमसीसी पारितकाे विपक्षमा उभिएका प्रदेश कमिटी सदस्य तथा महोत्तरीका संयोजक तुलसीप्रसाद ढुंगाना,  बर्दिबास वडा नम्बर ३ का वडाध्यक्ष राजनप्रसाद ढुंगाना , अखिल नेपाल महिला संघ क्रान्तिकारीका केन्द्रीय सदस्य उर्मिला कार्की ,  मधेस प्रदेश सदस्य रामबहादुर राणा र वडा कमिटी अध्यक्ष नरबहादुर खनालले   बुधबार संयुक्त विज्ञप्ति जारी गर्दै पार्टी छाडेको बताएका छन्