संघीय संसदका दुवै सदनको बैठक आज बस्दै ,यी हुन् बैठकको सम्भावित कार्यसूची

काठमाडौँ ८ जेठ |  संघीय संसद्का दुवै सदन ९प्रतिनिधिसभा र राष्ट्रियसभा०को बैठक आज पनि बस्ने भएको छ । प्रतिनिधिसभाको बैठक बिहान ११ बजे बस्नेछ भने राष्ट्रियसभाको बैठक दिउँसो १।१५ बजेका लागि आह्वान गरिएको छ ।

हिजो सोमवारको बसेको बैठकमा प्रधानमन्त्री पुष्पकमल दाहालले विश्वासको मत पाए लगतै सभामुख देवराज घिमिरेले संसद बैठक आजका लागि स्थगित गरेका थिए।आजको बैठकमा सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थप सम्बन्धी पत्र पढेर सुनाउनु हुनेछ भने प्रतिनिधिसभा नियमावली, २०७९ को नियम १० बमोजिम बैठकको अध्यक्षता गर्न सदस्यहरूको मनोनयन गर्ने छन् । त्यस्तै आजको बैठकमा यस्तै उद्योग, वाणिज्य तथा आपूर्तिमन्त्री दामोदर भण्डारीले ‘लगानी सहजीकरण सम्बन्धी केही नेपाल ऐनलाई संशोधन गर्ने अध्यादेश, २०८१’ पेस गर्ने र शिक्षामन्त्री सुमना श्रेष्ठले राष्ट्रियसभामा उत्पत्ति भएको ‘शहिद दशरथ चन्द स्वास्थ्य विज्ञान विश्वविद्यालय विधेयक, पेश गर्ने कार्यसूची पनि रहेको छ ।

राष्ट्रपतिले गरेको सम्बोधनको प्रति टेबुल गर्ने तथा धन्यवाद प्रस्ताव पारित गर्ने कार्यसूची पनि रहेको छ । नेपाली कांग्रेसले उपप्रधान एवं गृहमन्त्री रवि लामिछानेसमेत सहकारी प्रकरणमा संलग्न रहेको भन्दै संसदीय छानबिन समिति बनाउनुपर्ने माग राख्दै वैठक अबरोध गरिरहेको छ । विपक्षीहरु दलहरु संसदीय समिति नबनेसम्म वैठक चल्न नदिनेमा पक्षमा रहेका छन् ।