बालाजुका डीएसपी रविन विष्ट रानीपोखरी तानिए

काठमाडौँ, २ फागुन । महानगरीय प्रहरी वृत्त बालाजुका डीएसपी रविन विष्टलाई उपत्यका प्रहरी कार्यालय रानीपोखरी तानिएको छ। नयाँ बसपार्क क्षेत्रमा सोमबार भएको आन्दोलनमा प्रहरीको गाडी जल्दा पनि स्थिति नियन्त्रणमा लिन नसकेको भन्दै डिएसपी बिस्टलाई रानीपोखरी तानिएको हो ।

डिएसपी विष्टलाई तत्कालका लागि उपत्यका प्रहरी कार्यालयमा फिर्ता बोलाएको उपत्यका प्रहरी कार्यालय स्रोतले बतायो ।विष्टको ठाउँमा डीएसपी मनोजित कुँवरलाई पठाइएको छ।

आन्दोलनका क्रममा यातायात मजदुरहरूले बा २ झ १४४ र बा १ झ ७२२४ नम्बरका दुईवटा प्रहरीका भ्यान जलाएका थिए । आन्दोलनकारीले ल्होत्से मललगायतका व्यापारिका भवनमा पसरे लुटपाटसमेत गरेका थिए।

ट्राफिक प्रहरीले जरिवाना बढाएको भन्दै भएको प्रदर्शनले उग्र रुप लिँदा बसपार्क, माछापोखरी लगायतका क्षेत्रमा तोडफोड र आगजनी गरेका थिए ।