काठमाडौं। अखिल नेपाल फुटबल सङ्घ (एन्फा) को आयोजनामा एन्फा महिला लिग छनोट प्रतियोगिता आजदेखि ललितपुरको सातदोबाटोस्थित एन्फा मुख्यालय मैदानमा सुरु हुँदैछ। प्रतियोगितामा १४ टोलीको सहभागिता रहनेछ र उत्कृष्ट ५ टोली मात्र एन्फा महिला लिगमा छनोट हुनेछन्।
आजको उद्घाटन खेलमा छहारी फुटबल क्लब र एफसी रियल बीच प्रतिस्पर्धा हुनेछ, जसको सुरुवात दिउँसो १ बजे हुनेछ। दोस्रो खेलमा भने सङ्कटा क्लब र नेपाल खेलकुद क्लब अपराह्न सवा ४ बजे भिड्नेछन्।
प्रतियोगिताको समूह विभाजनअनुसार समूह ‘ए’ मा चर्च ब्वाइज युनाइटेड, छहारी फुटबल क्लब, राप्ती एफसी, सिन्धुपाल्चोक एफसी, स्टुडेन्ट फुटबल क्लब, आरबी रिसोर्ट एन्ड बिच फुटबल र एफसी रियल रहेका छन्। समूह ‘बी’ मा न्युरोड टिम (एनआरटी), सङ्कटा एफसी, बुटवल लुम्बिनी एफसी, एन्बिएम पोखरा गल्र्स एफसी, झापा एफसी, लम्की फुटबल एन्ड ट्रेनिङ सेन्टर र नेपाल खेलकुद क्लब छन्।
ANFA Women’s League Selection 2025 को विजेता तथा उत्कृष्ट टोलीहरूले महिला फुटबलको स्तर उकास्न महत्वपूर्ण योगदान पुर्याउने अपेक्षा गरिएको छ। यससँगै नेपाली महिला फुटबलले अन्तर्राष्ट्रिय प्रतिस्पर्धामा आफ्नो उपस्थिति अझ मजबुत बनाउने सम्भावना बढ्नेछ।
यसअघि एन्फाले महिला फुटबलको विकासका लागि विभिन्न प्रशिक्षण कार्यक्रम, लिग खेल र अन्तर्राष्ट्रिय मैत्रीपूर्ण खेलहरूको आयोजना गर्दै आएको छ। विस्तृत जानकारीका लागि एन्फा आधिकारिक वेबसाइट हेर्न सकिन्छ।
