काठमाडौँमा वायु प्रदूषण बढ्यो

काठमाडौँ । काठमाडौँ उपत्यकामा अहिले वायु प्रदूषण निकै बढेको छ। एयर क्वालिटी इन्डेक्स ९एक्युआई ० अनुसार केही दिनअघि करिब ९२ रहेको वायु गुणस्तर अहिले बढेर २४७ पुगेको छ, जुन ‘धेरै अस्वस्थ’ स्तर मानिन्छ। यस्तो अवस्थामा सास फेर्न गाह्रो हुने, आँखा पोल्ने, घाँटी दुख्ने जस्ता समस्या देखिन सक्छन्।

एक्युआईको मापनअनुसार ०–५० राम्रो, ५१–१०० मध्यम, १०१–१५० अस्वस्थ, १५१–२०० सबैका लागि अस्वस्थ, २०१–३०० धेरै अस्वस्थ र ३०० भन्दा माथि अत्यन्त खतरनाक हुन्छ। अहिलेको अवस्था हेर्दा काठमाडौँको हावा स्वास्थ्यका लागि जोखिमपूर्ण बनेको छ।

हाल नेपाल विश्वकै सबैभन्दा प्रदूषित देशहरूको सूचीमा दोस्रो स्थानमा रहेको छ, पहिलोमा पाकिस्तान छ। प्रदूषण बढ्नुको मुख्य कारण लामो समयसम्म वर्षा नहुनु हो। पानी नपर्दा धुलो र धुवाँ हावामै जम्मा हुन्छ। यदि वर्षा भयो भने यी कणहरू जमिनमा बस्छन् र हावा केही सफा हुन्छ, तर अहिले त्यस्तो अवस्था छैन। त्यसैले प्रदूषण अझ बढ्न सक्ने देखिन्छ।