आज श्रृजनशील लघुवित्तको आईपीओ बाँडफाँट

काठमाडौँ, २७ भाद्र । श्रृजनशील लघुवित्तको आईपीओ बाँडफाँट भएको छ।आज सोमबार गोलाप्रथामार्फत कुल ३६ हजार ८५९ जना सर्वसाधारण लगानीकर्ताहरुले १० कित्ताका दरले सेयर पाएका छन्। आईपीओमा कुल १८ लाख ३८ हजार ७५१ जनाले आवेदन परेको थियो ।

१ हजार ३१५ जनाको आवेदन रद्द भएको थियो भने योग्य १८ लाख ३७ हजार ४ सय ३६ जना आवेदकलाई गोलाप्रथामा समावेश गराएर शेयर बाँडफाँड गरिएको बिक्री प्रबन्धक सनराइज क्यापिटलले जनाएको छ।

कम्पनीले गएको भाद्र १५ गते ३ करोड ९३ लाख ७५ हजार रुपैयाँ बराबरको आईपीओ जारी गरेको थियो।

यसअनुसार प्रतिकित्ता १०० रुपैयाँ अंकित मूल्यका दरले ३ लाख ९३ हजार ७५० कित्ता साधारण सेयर निष्कासन गर्नेछ। योमध्ये ५ प्रतिशत अर्थात् १९ हजार ६९० कित्ता सामूहिक लगानी कोष र ० दशमलव ५ अर्थात् ५ हजार ४७० कित्ता शेयर कर्मचारीहरुका लागि छुट्याइएको थियो।

बाँकी ३ लाख ६८ हजार ५९० कित्ताका लागि सर्वसाधारणले आवेदन दिएका थिए ।