कोरोनाबाट ३ को मृत्यु ,थप २०६ जनामा संक्रमण पुष्टि

काठमाडौँ , १७ भाद्र |पछिल्लो २४ घण्टामा  नेपालभर एकै दिन  २०६ जनामा कोरोना संक्रमण पुष्टि भएको छ भने  कोरोना भाइरस संक्रमणबाट ३ जनाको मृत्यु भएको छ। हाल नेपालमा कोरोना संक्रमितहरुको संख्या बढेको छ ।

पछिल्लो २४ घण्टामा २ हजार ८६९ जनाको आरटी पीसीआर र एन्टिजेन विधिबाट परीक्षण गर्दा २०६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पीसीआर विधिबाट १ हजार ५९५ जनाको परीक्षण गर्दा १ सय ३४ जना र १ हजार २७४ जनाको एन्टिजेन विधिबाट परीक्षण गर्दा ७२ जनामा कोरोना पुष्टि भएको छ ।हाल सम्म नेपालमा कोरोना संक्रमितको कुल संख्या ११ लाख ४८ हजार ४३३ पुगेको छ ।