ह्वात्तै बढ्यो सुनको मूल्य

काठमाडौँ । नेपाली बजारमा बिहीबार सुन र चाँदीको मूल्यमा ठूलो वृद्धि भएको छ। नेपाल सुनचाँदी व्यवसायी महासंघका अनुसार सुन प्रतितोला ६ हजार २०० रुपैयाँले बढेर २ लाख ८३ हजार ५०० रुपैयाँ पुगेको छ। अघिल्लो दिन सुन २ लाख ७७ हजार ३०० रुपैयाँमा कारोबार भएको थियो।

त्यसैगरी, चाँदीको मूल्य पनि बढेको छ। चाँदी प्रतितोला १८० रुपैयाँले बढेर ४ हजार ४५० रुपैयाँमा पुगेको छ। अघिल्लो दिन यसको मूल्य ४ हजार २७० रुपैयाँ थियो।

बजारमा सुनचाँदीको मूल्य बढेसँगै गहना खरिद गर्न महँगो पर्ने भएको छ।