काठमाडौँ – प्रधानमन्त्री वालेन्द्र शाहले विभिन्न आन्दोलन, प्रदर्शन र दमनसँग सम्बन्धित आयोगका सबै प्रतिवेदनहरू एकैसाथ अध्ययन गरी आवश्यक कारबाही अघि बढाइने बताएका छन्।
आइतबार प्रतिनिधि सभामा सांसद अर्जुननरसिंह केसीले उठाएको प्रश्नको जवाफ दिँदै उनले यस्तो जानकारी दिएका हुन्। उनले मानव अधिकार आयोगका प्रतिवेदन मात्र नभई भदौ २३ र २४ का घटनासहित विभिन्न समयमा बनेका आयोगका प्रतिवेदनहरू पनि सरकारले अध्ययन गर्ने बताए।
प्रधानमन्त्री शाहका अनुसार विगतका विभिन्न आन्दोलन, र्याली र दमनका घटनाबारे धेरै प्रतिवेदन तयार भएका छन्। ती सबै प्रतिवेदनलाई एकीकृत रूपमा अध्ययन गरी त्यसका निष्कर्ष र सिफारिसका आधारमा आवश्यक कदम चालिनेछ।
सांसद केसीले मानव अधिकार आयोगका प्रतिवेदन कार्यान्वयन गर्न माग गरेका थिए। सरकारले सबै प्रतिवेदनलाई गम्भीर रूपमा लिएर कार्यान्वयनको प्रक्रिया अघि बढाउने प्रधानमन्त्रीको भनाइ छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
