महासंघमा नयाँ अनुहार: एसोसियट समूहका १७ सदस्य निर्वाचित

काठमाडौँ। नेपाल उद्योग वाणिज्य महासंघको नयाँ कार्यसमिति चयनका लागि जारी निर्वाचनअन्तर्गत एसोसियट समूहका १७ सदस्य पदको नतिजा सार्वजनिक भएको छ। सार्वजनिक नतिजाअनुसार विभिन्न व्यवसायिक क्षेत्रका प्रतिनिधित्व गर्ने उम्मेदवारहरू उक्त पदमा निर्वाचित भएका छन्।

निर्वाचित सदस्यहरूमध्ये सचिन ढकाल आईएमई समूहसँग आबद्ध छन् भने हेमन्त गोल्छा हुलास रेमिटेन्ससँग सम्बन्धित छन्। यसैगरी अम्बिकाप्रसाद पौडेल स्काई टच इन्भेष्टमेन्ट एन्ड कन्सल्टेन्ट, उज्ज्वलकुमार श्रेष्ठ पञ्चकन्या कंक्रिट प्रिमिक्स, शक्तिकुमार बेगानी गणपति ज्वेलर्स नेपाल, ऋषि अग्रवाल यती पोलिकेम, सुशील थापा साहस ऊर्जा तथा राजेशकुमार अग्रवाल अर्घाखाँची सिमेन्टसँग आबद्ध रहेका छन्।

महासंघका अनुसार सुयस प्याकुरेल एमएम पोलिमर्स, रामशरण भण्डारी हस्पिटल फर एडभान्स्ड मेडिसिन एन्ड सर्जरी, बाबुकाजी कार्की बूढानीलकण्ठ हेरिटेज, दिवश न्यौपाने सर्वोत्तम सिमेन्ट, कृष्णलाल महर्जन क्लासिक डायमन्ड ज्वेलर्स तथा प्रियराज रेग्मी क्रिस्टल कञ्चनजंघा सेक्युरिटिजसँग सम्बद्ध छन्।

यसैगरी ईश्वरबहादुर जिसी एचडी इन्डष्ट्रिज, सुरज उप्रेती एसआर फुड्स तथा बटु लामिछाने अर्बिट इनर्जी प्रालिसँग आबद्ध रहेका छन्। महासंघको नेतृत्व चयन प्रक्रिया अन्तर्गत अन्य पदहरूको मतगणना र परिणाम सार्वजनिक गर्ने क्रम जारी रहेको जनाइएको छ।