प्रहरी प्रशिक्षण प्रतिष्ठानको जग्गा राष्ट्रपति कार्यालयलाई नदिने सरकारको निर्णय

काठमाडौँ । नेपाल सरकारले महाराजगन्जस्थित राष्ट्रिय प्रहरी प्रशिक्षण प्रतिष्ठानको जग्गा राष्ट्रपति कार्यालयलाई दिन पहिले गरिएको निर्णय उल्टाएको छ। अब सो जग्गा पहिलेकै अवस्थामा प्रहरी प्रशिक्षण प्रतिष्ठानले नै प्रयोग गर्ने भएको छ।

सरकारका प्रवक्ता तथा शिक्षा, विज्ञान र प्रविधिमन्त्री सस्मित पोखरेलका अनुसार २०७५ सालमा भएको निर्णय सच्याएर यो निर्णय गरिएको हो। पहिले ११४ रोपनीभन्दा बढी जग्गा राष्ट्रपति कार्यालयलाई दिने भनिएको थियो, तर अब त्यो लागू नहुने भएको छ।

बैठकले सरकारी निकायका सफ्टवेयर र सूचना प्रविधिबारे अध्ययन गर्न विशेष कार्यदल पनि गठन गरेको छ।