१८३ जना अधिकृत क्याडेटले आयुक्त पद प्राप्त गरे, सैनिक अनुशासनमा जोड

काठमाडौं, नेपाल । भक्तपुर खरिपाटीस्थित नेपाली सैनिक प्रतिष्ठानमा सम्माननीय प्रधानमन्त्री वालेन्द्र शाह को प्रमुख आतिथ्यमा अधिकृत क्याडेट तालिमको आयुक्त पद प्रदान कार्यक्रम सम्पन्न भएको छ। उक्त समारोहमा प्रधानमन्त्री शाहले उत्कृष्ट प्रदर्शन गरेका अधिकृत क्याडेटहरुलाई श्रेष्ठताको प्रतीकस्वरूप खुकुरी र छडी प्रदान गरी सम्मान गर्नुभयो।

प्रधानमन्त्री शाहले सम्बोधन गर्दै नव आयुक्त अधिकृतहरुलाई मातृभूमि र जनताप्रति समर्पित रहन, सैनिक आचरण, चेन अफ कमान्ड र अनुशासनको दायरा भित्र रहेर आफ्नो जिम्मेवारी र कर्तव्य पालन गर्न प्रेरित गर्नुभयो। उहाँले कठिन तालिमको सफलतापछि प्राप्त पदको महत्व र यससँग आउँने दायित्वको स्मरण गराउँदै बधाई दिनुभयो।

सोही अवसरमा सि.सं. ६३ अधिकृत क्याडेट, सि.सं. ५ स्नातक अधिकृत क्याडेट तथा सि.सं. ५३ पदिक र बिल्लादार अधिकृत तालिमका १८३ जना क्याडेटहरुले आयुक्त पद प्रदान कवाज प्राप्त गरेका छन्। समारोहमा प्रधान सेनापति महारथी अशोक राज सिग्देल ले पनि सहभागी भएर नयाँ आयुक्तहरुलाई शुभकामना व्यक्त गर्नुभयो।

कार्यक्रममा सैन्य अनुशासन, प्रशिक्षणको उत्कृष्टता र कर्तव्यनिष्ठाको महत्वमाथि विशेष जोड दिइएको थियो।