१३ दिनपछि छुटे पूर्वगृहमन्त्री रमेश लेखक

काठमाडौं । पूर्वगृहमन्त्री तथा कांग्रेस नेता रमेश लेखकलाई प्रहरीले रिहा गरेको छ। उनलाई महाराजगन्जस्थित प्रहरी कार्यालयबाट हाजिरी जमानीमा छाडिएको हो ।

प्रहरीका अनुसार उनी बिहान करिब पौने ११ बजे छुटेका हुन्। जेनजी आन्दोलनसम्बन्धी छानबिनका क्रममा बनेको आयोगको सिफारिसपछि उनलाई चैत १४ गते पक्राउ गरिएको थियो।

यसअघि सोही घटनामा पक्राउ परेका पूर्वप्रधानमन्त्री केपी ओली पनि हाजिरी जमानीमा छुटिसकेका छन्।