काठमाडौँ । श्रम, संस्कृति पार्टीका अध्यक्ष तथा प्रतिनिधिसभा सदस्य हर्क साम्पाङले संसद्को पहिलो बैठकमै एमसीसी अमेरिकी सहायता परियोजना खारेज गर्न माग गरेका छन् । उनले देशको स्वतन्त्रता र असंलग्न परराष्ट्र नीतिको संरक्षणका लागि उक्त सम्झौता खारेज गर्न आवश्यक रहेको बताएका हुन् ।
सांसद साम्पाङले उक्त परियोजनालाई असमान र राष्ट्रहितविपरीत भएको दाबी गर्दै सरकारलाई जनताको भावनाअनुसार आवश्यक निर्णय लिन आग्रह गरेका छन् । उनले जनताको आवाज संसद्मार्फत प्रस्तुत गर्दै राष्ट्रिय स्वाधीनतामा असर पर्ने कुनै पनि सम्झौता स्वीकार्य नहुने धारणा राखे ।
यसैबीच उनले प्रतिनिधिसभा बैठक निर्धारित समयभन्दा ढिला सुरु भएकोप्रति असन्तुष्टि व्यक्त गरे । समयको पालना नगर्ने प्रवृत्तिले समग्र देशको प्रगतिमा असर पर्ने उल्लेख गर्दै उनले सुधारको सुरुवात सांसद स्वयंबाट हुनुपर्नेमा जोड दिए ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
