इरान संकटबारे ट्रम्प–पुटिनबीच फोनवार्ता

एजेन्सी । डोनाल्ड ट्रम्पले इरानसँगको तनावपूर्ण अवस्थाबारे बोल्दै अमेरिकाले चलाइरहेको सैन्य अभियान छिट्टै अन्त्य हुन सक्ने तर यही हप्ता नै समाप्त नहुने बताएका छन्। ट्रम्पका अनुसार इरानको सैन्य शक्ति धेरै कमजोर भइसकेको छ र त्यहाँको नेतृत्व पनि अहिले दबाबमा परेको छ।

सोमबार उनले भ्लादिमिर पुटिनसँग फोनमा कुराकानी गरेको जानकारी दिएका छन्। ट्रम्पले उक्त वार्तालाई “धेरै राम्रो र उपयोगी” भएको बताएका छन्। उनका अनुसार पुटिनले मध्यपूर्वमा बढ्दो तनाव कम गर्न सहयोग गर्न चाहेको बताएका थिए।

फ्लोरिडाको डोरालस्थित आफ्नो गल्फ क्लबमा पत्रकारहरूसँग कुरा गर्दै ट्रम्पले दुई नेताबीच मध्यपूर्वको अवस्था र इरानसँगको द्वन्द्वबारे छलफल भएको बताए। साथै उनीहरूले रूस–युक्रेन युद्धबारे पनि कुरा गरेका थिए।

ट्रम्पका अनुसार पुटिन र भोलोडिमिर जेलेन्स्कीबीचको सम्बन्ध अहिले पनि निकै तनावपूर्ण छ। दुवै नेताबीच गहिरो अविश्वास र विरोध रहेको उनले बताएका छन्। तर ट्रम्पले यस विषयमा भएको पछिल्लो कुराकानी सकारात्मक भएको भन्दै भविष्यमा समाधान खोज्ने सम्भावना अझै रहेको संकेत गरेका छन्।