काठमाडौं । पश्चिम नवलपरासी (वसुप) क्षेत्र नं. १ बाट प्रतिनिधि सभा सदस्यका उम्मेदवार नेपाली कांग्रेसका केन्द्रीय सदस्य विनोद चौधरीले आफ्नो तीन वर्षे कार्यकालको ‘रिपोर्ट कार्ड’ सार्वजनिक गरेका छन्। २०७९ मा निर्वाचित भएपछि चौधरीले ३१ बुँदे घोषणापत्रका प्रत्येक बुँदामा प्रगति, उपलब्धि र कार्यान्वयनको विवरण प्रस्तुत गरेका हुन्।
चौधरीले मतदाताको प्रश्न गर्ने अधिकार लोकतन्त्रको मूल आधार भएको भन्दै जनताको अदालतमा जवाफदेही भएर उभिन तयार रहेको बताएका छन्। उनले ३१ बुँदे घोषणापत्रको प्रत्येक बुँदामा गरेको कामको विवरण प्रतिवेदनमार्फत प्रस्तुत गरेको जानकारी दिए।
रिपोर्ट कार्डको डिजिटल प्रति सार्वजनिक भएको छ भने प्रिन्ट प्रति सचिवालय, कांग्रेस क्षेत्रीय कार्यालय, प्रत्येक पालिका कार्यालय र निर्वाचन क्षेत्रका ३४ वटै वडाका सम्पर्क कार्यालयमा उपलब्ध हुनेछ। मतदातालाई प्रतिवेदन अध्ययन गर्न र जिज्ञासा भए टोल–टोलमै प्रश्न सोध्न पनि उनले आग्रह गरेका छन्।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
