भ्रष्टाचार नियन्त्रण नै सुशासन र समृद्धिको पहिलो शर्त:प्रधानमन्त्री कार्की

काठमाडौँ । प्रधानमन्त्री सुशीला कार्कीले मुलुकमा सुशासन र समृद्धिका लागि भ्रष्टाचार नियन्त्रण पहिलो शर्त भएको बताए छन् । अख्तियार दुरुपयोग अनुसन्धान आयोगको ३५ औँ स्थापना दिवसको अवसरमा आयोजित कार्यक्रममा उनले भ्रष्टाचार रोक्ने मुख्य जिम्मेवारी सरकार र कार्यालयका प्रमुखमा रहेको स्पष्ट पारिन्।

प्रधानमन्त्री कार्कीले भने, “कुनै पनि कार्यालयमा अनियमितता भए त्यसको जिम्मेवारी त्यही कार्यालयका प्रमुखले लिनुपर्छ। कार्यकारी अङ्गभन्दा बाहिर खोज्दा सुधार हुँदैन।” उनले सरकारले राहदानी, नागरिकता लगायतका सेवा सरल, छिटो र सजिलो बनाएको उल्लेख गरेक छन्।

उनले आगामी फागुन २१ गतेको निर्वाचनमा स्वच्छ छवि र भ्रष्टाचारविरुद्ध स्पष्ट अडान भएका प्रतिनिधि छान्न सबैमा आग्रह गर्नुभयो। निर्वाचनलाई सदाचार र सुशासन स्थापनाको ऐतिहासिक अवसरको रूपमा लिनुपर्ने उनको भनाइ थियो।

प्रधानमन्त्री कार्कीले वर्तमान सरकारले कानूनी, नीतिगत र संस्थागत रूपमा भ्रष्टाचार नियन्त्रणका लागि संरचना तयार पारेको, बजेटको दुरुपयोग रोकिएको र भ्रष्टाचारविरुद्ध सक्रिय कारबाही अघि बढाइरहेको जानकारी दिए। उनले अन्ततः जनता र प्रतिनिधि दुवैले राष्ट्रिय हितलाई केन्द्रमा राखेर काम गर्नुपर्ने जोड दिए।