डा .संगिता मिश्रासहित १४ जनाविरुद्ध भ्रष्टाचार मुद्दामा सुनुवाइ हुँदै

काठमाडौँ — स्वास्थ्य सेवा विभागको तत्कालीन महानिर्देशक डा। संगिता कौशल मिश्रासहित १४ जनाविरुद्ध भ्रष्टाचार मुद्दाको सुनुवाइका लागि विशेष अदालतले पेसी तोकेको छ। न्यायाधीश त्रय नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासमा सुनुवाइ अघि बढाइनेछ।

अख्तियार दुरुपयोग अनुसन्धान आयोगले २०८२ कात्तिक २ गते मेमोग्राफी मेसिन खरिद प्रक्रियामा अनियमितता भएको भन्दै मिश्रासहित अन्य निर्देशक, स्वास्थ्य प्रशासक, लेखा नियन्त्रक र कम्पनी सञ्चालकविरुद्ध मुद्दा दायर गरेको थियो। आरोप छ, लागत अनुमान तयार पार्दा र भुक्तानी दिँदा मिलेमतो गरी राज्यलाई करिब १४ करोड रुपैयाँभन्दा बढी नोक्सानी पुर्‍याइएको। ठेक्का पाउने कम्पनी म्याक्सिम ईनकर्पोरेशनले आफ्नै संस्थापकको अर्को कम्पनीबाट दररेट लिएर लागत अनुमान बढी देखाएको आरोप छ।