ललितपुर – राष्ट्रिय स्वास्थ्य बीमा मार्फत अस्पताल सञ्चालनमा बीमा भुक्तानी रोकिएपछि समस्या उत्पन्न भएको विषयमा ललितपुर महानगरपालिका प्रमुख चिरिबाबु महर्जनले सरकारको ध्यानाकर्षण गराएका छन्। मेयर महर्जनले भने, “यदि भुक्तानी नहुँदा स्वास्थ्य सेवा बन्द गर्नु पर्ने अवस्था आयो भने त्यसको प्रत्यक्ष जिम्मेवारी र आलोचना मैले नै बेहोर्नुपर्छ।”
महर्जनले स्पष्ट पार्दै भने, “नेपाल सरकारले औपचारिक पत्रमार्फत अनुमति दिए वा महानगरलाई भुक्तानी जिम्मेवारी सुम्पेमा हामी उक्त दायित्व पूरा गर्छौं।” उनले पाटन अस्पतालकै सल्लाहअनुसार नयाँ स्वास्थ्य केन्द्र स्थापना गर्न लागिएको जानकारी दिएका छन्। यस केन्द्र सञ्चालनमा आएपछि नगरवासीले गुणस्तरीय स्वास्थ्य सेवा पाउने छन्। मेयर महर्जनका अनुसार ललितपुर महानगर र पाटन अस्पतालबीचको यो सहकार्य मुलुकका अन्य ७५३ स्थानीय तहका लागि उदाहरणीय अभ्यास बन्नेछ।
महर्जनले बीमा भुक्तानी ढिलाइले स्वास्थ्य सेवामा समस्या आएको भन्दै, “पाटन अस्पताललाई गर्नुपर्ने भुक्तानी समयमै गरिदिनुस्। यदि नेपाल सरकारले ललितपुर महानगरलाई भुक्तानी जिम्मा सुम्प्यो भने म भुक्तानी गरिदिन्छु,” भनी जोड दिए। उनले थपे, “७५२ पालिकामध्ये ललितपुर महानगर उदाहरणीय पालिका बन्न सफल भएको छ।”
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
