आधारभूत तालिम १–१८३ समूह सम्पन्न,प्रधानमन्त्री कार्कीद्वारा दीक्षित प्रहरी निरीक्षकहरूलाई बधाई

काठमाडौँ। प्रधानमन्त्री सुशीला कार्कीले आधारभूत तालिम १–१८३ औँ समूह पूरा गरेका दीक्षित प्रहरी निरीक्षकहरूलाई हार्दिक बधाई दिनुभएको छ। प्रधानमन्त्रीले प्रशिक्षण पूरा गरेका निरीक्षकहरूलाई लोभ, मोह र दबाबमा नझुक्ने, सत्यमा दृढ रहने, कानुन, विवेक र मानवतालाई सँगसँगै राखेर देश र जनताको सेवा गर्ने आह्वान र्नुभएको छ। उनले प्रहरीलाई न्यायप्रणालीको मेरुदण्ड र लोकतन्त्रको सुरक्षाकवचको रूपमा उल्लेख गर्दै भावी जिम्मेवारीमा सफलता कामना गर्नुभएको छ।

सो तालिम २०८१ साल असार २१ गते सुरु भएको थियो र ३६० कार्यदिनको तालिम २०८२ साल माघ १९ गते समापन भएको छ। तालिममा ३० जना प्रशिक्षार्थीहरू सहभागी थिए, जसमा २७ जना पुरुष र ३ जना महिला थिए। तालिम संयोजकको जिम्मेवारी प्रहरी नायब उपरीक्षक रामेश्वर पौडेलले र तालिम सह-संयोजकको जिम्मेवारी प्रहरी निरीक्षक कैलाश लिम्बुले सम्हालेका थिए।

तालिम अवधिभर प्रशिक्षार्थीहरूले प्रहरी सेवा, कानुनी प्रक्रिया, मानव अधिकार, विवेकपूर्ण निर्णय क्षमता र लोकतन्त्र संरक्षणसम्बन्धी व्यापक प्रशिक्षण पाएका थिए। यस तालिमले दीक्षित निरीक्षकहरूलाई भावी कार्यकालमा जिम्मेवार र दक्ष प्रहरी बन्न प्रेरित गर्ने विश्वास गरिएको छ।