पछिल्लो राजनीतिक घटनाक्रमबारे राष्ट्रपति र प्रधानमन्त्रीबीच छलफल

काठमाडौं । राष्ट्रपति रामचन्द्र पौडेल र प्रधानमन्त्री सुशीला कार्कीबीच आज शीतलनिवासमा भेटवार्ता भएको छ । प्रधानमन्त्री कार्की बिहान साढे १० बजे राष्ट्रपति पौडेललाई भेट्न शीतलनिवास पुग्नु भएको थियो । भेटवार्ता करिब आधा घण्टा चलेको थियो ।

भेटका क्रममा समसामयिक राष्ट्रिय विषयमा दुई नेताबीच विचारविमर्श भएको राष्ट्रपतिका सल्लाहकार किरण पोखरेलले जानकारी दिए । उनका अनुसार मुलुकको पछिल्लो राजनीतिक अवस्था, विकसित घटनाक्रम तथा आगामी निर्वाचनसँग सम्बन्धित विषयमा छलफल केन्द्रित थियो ।

उच्च तहको यस भेटलाई वर्तमान राजनीतिक परिवेश र निर्वाचन तयारीका सन्दर्भमा अर्थपूर्ण रूपमा हेरिएको छ ।