रक्षा बमको कांग्रेसलाई सन्देश:एमाले जस्तो पुरानै बाटो नअपनाउनु

काठमाडौँ । जेनजी अगुवा रक्षा बमले नेपाली कांग्रेसलाई यथास्थितिवाद र एमालेजस्तो पुरानै बाटो नअपनाउन सुझाव दिएकी छन्। उनले फेसबुकमा ‘आदरणीय कांग्रेसीजन’ भन्दै खुल्ला पत्र लेखेर महाधिवेशन केन्द्रित बहसमा आफ्नो धारणा सार्वजनिक गरेकी हुन्।

उनले लेखेकी छन् पार्टीभित्रको समस्या नयाँ होइन। भदौ २३ मा सरकारका सुरक्षा बलहरूले निहत्था विद्यार्थीमाथि गोली चलाएको घटना ठूलो सन्देश थियो। त्यसपछिका वर्षमा जनता निराश, घाइते र असुरक्षित बनेका छन्। यसै समयमा कांग्रेसभित्र पनि पार्टी महाधिवेशनलाई लिएर दुई खेमामा विभाजन देखिएको छ। रक्षा बमको अनुसार, जसले नियमित महाधिवेशनको नाममा यथास्थितिवाद अपनाइरहेका छन्, उनीहरूले परिवर्तनको आवाजलाई दबाइरहेका छन्।

भदौ २३ का बेला पनि कांग्रेसभित्रैका साथीहरू सडकमा उत्रिएर परिवर्तनको माग गरेका थिए। आज पनि त्यही आवाज जारी छ, तर यथास्थितिवादले देशको युवापुस्तालाई निराश बनाउने खतरा छ। उनी एमालेको उदाहरण दिन्छिन्, जसले पुरानै नेतृत्वलाई फेरि निर्वाचित गरेर आफ्नो बाटो रोजेको छ।

रक्षा बम भन्छिन् असाधारण राजनीतिक संकटमा असाधारण निर्णय आवश्यक छ। कांग्रेसले विशेष महाधिवेशनमार्फत परिवर्तनको पक्षमा निर्णय लिए देशको भविष्य सुरक्षित गर्न सकिन्छ। अब चुनाव नजिक छ र मतदाताहरू परिवर्तन चाहिरहेका छन्।