शर्तहरु राखेर नेपालको स्वाभिमानलाई तल पारेर कुनै सहयोग दिइन्छ भने हामीलाई एक पैसा चाहिँदैन : झलनाथ खनाल

सत्तारुढ दलका नेता एवं पूर्वप्रधानमन्त्री झलनाथ खनालले एमसीसीलाई व्याख्यात्मक टिप्पणीसहित पारित गर्ने सत्तागठबन्धनको निर्णयप्रति आपत्ति जनाएका छन् । हामीलाई ५० करोड डलर अमान्य भएको होइन, १ खर्ब डलर दिएपनि लिन्छौं तर शर्तहरु राखेर, नेपालको स्वाभिमानलाई तल पारेर कुनै सहयोग दिइन्छ भने हामीलाई एक पैसा पनि चाहिँदैन खनालले भनुभयो ।सम्झौताको सम्पूर्ण बुँदामाथि सार्वभौम संसद्‌मा छलफल गर्ने वातावरण नबनई पारित गर्न खोज्‍नु आपत्तिजनक रहेको उहाँले बताउँनु भयो ।

सर्तहरु राखेर कुनै पैसा दिइन्छ भने त्यो पैसा नचाहिने नेपालले आफैंले विकास गर्नसक्छ भन्दै नेता खनालले अन्त्यत महत्त्वपूर्ण विषयमा छलफल नगराइकन पास गर्न खोज्नु आपत्तिजनक जनाउँनुभयो ।

नेता खनालले अमेरिकी सहयोग परियोजना एमसीसी सम्झौतामा प्रतिनिधिसभाले गरेको व्याख्यात्मक घोषणालाई अमेरिकाले स्वीकार गर्छ कि गर्दैन भन्ने प्रश्न समेत गरे ।