सम्बोधनमा पृथ्वीनारायण शाहको तस्बिर देखिनु राष्ट्रिय एकताको प्रतीक हो :नेपाली सेना

काठमाडौँ — नेपाली सेनाले भदौ २४ गते सेना प्रमुख अशोकराज सिग्देलको सम्बोधनमा पृथ्वीनारायण शाहको तस्बिर देखिनुलाई राष्ट्रिय एकताको प्रतीक मात्र भएको स्पष्ट पारेको छ। जेनजी आन्दोलनपछिको अवस्था सहज बनाउन राष्ट्रपति र कार्यपालिकाको निर्णयको सम्मान गर्दै सेनाले यो कदम चालिएको जनाएको छ।

सेनाले भनेको छ कि भदौ २४ को सन्देशमा पृथ्वीनारायण शाहको तस्बिर देखिनुलाई विभिन्न दृष्टिबाट आलोचना गरिएको भए पनि, उनी आधुनिक नेपालको निर्माता र राष्ट्रिय एकताको प्रतीक हुन्। राष्ट्र निर्माता कुनै पनि राजनीतिक वा वैचारिक दृष्टिकोणभन्दा माथि रहेको नेपालको ऐतिहासिक पहिचान हुन्। संकटको समयमा राष्ट्रिय एकता, सार्वभौमसत्ता र अखण्डताको स्मरण गराउनु राजनीतिक सन्देश होइन, राष्ट्रिय चेतनाको आह्वान हो। सेनाले यसमार्फत सामाजिक सद्भाव र राष्ट्रिय एकतालाई प्रोत्साहन गर्ने उद्देश्य राखेको जनाएको छ।