मधेशका मुख्यमन्त्री यादवले आज विश्वासको मत लिँदै—बहुमत जुट्ने सम्भावना न्यून

काठमाडौँ । मधेश प्रदेशका मुख्यमन्त्री सरोज कुमार यादवले आज विश्वासको मत लिन लागेका छन्। सर्वोच्च अदालतले २४ घण्टाभित्र मत लिन आदेश दिएपछि बिहान साढे ८ बजे प्रदेश सभा बैठक बोलाइएको हो।

यसअघि गठबन्धनका नेता जितेन्द्र सोनलले बहुमत नपाउने भएपछि पद छाडे, र एमालेका सरोज यादव मुख्यमन्त्री बने। तर उनको नियुक्ति विवादित बनेपछि दलहरूले सर्वोच्चमा मुद्दा हाले। सर्वोच्चले आदेश दिएपछि यादव अब मतका लागि संसदमा पुगेका हुन्।

मधेश प्रदेशमा १०७ सांसद छन् र सरकार बन्न ५४ मत चाहिन्छ। तर एमालेसँग सभामुखसहित २५ मात्रै सांसद छन्, त्यो पनि एक निलम्बित। गठबन्धन दलका ७३ सांसद एकजुट देखिएपछि यादवको सरकारले विश्वासको मत नपाउने सम्भावना धेरै छ।