मानव बेचबिखनको आरोप राजनीतिक षड्यन्त्र हो : उपसभामुख राना

काठमाडौँ — प्रतिनिधि सभाकी उपसभामुख इन्दिरा रानाले आफूलाई लागेको मानव बेचबिखनको आरोपलाई गलत र राजनीतिक षड्यन्त्रको हिस्सा भन्दै खारेज गरेकी छन्। उनले यस्तो आरोप विपक्षी भएर संवैधानिक परिषद्मा नेपाली कांग्रेसको प्रतिनिधित्व नभएका कारण लगाइएको बताइन्। एमाले सांसद योगेश भट्टराईले लगाएको आरोप आधारहीन भएको भन्दै रानाले बेचिएको भनिएका बालबालिकाले आफैं मिडियामा प्रस्ट पारिसकेको बताइन्। उनले आफ्नो संस्था पीए नेपालले जेलमा परेका बाबुआमाका बालबालिकालाई अस्थायी रूपमा बसोबास, हेरचाह र शिक्षा दिँदै आएको स्पष्ट पारिन्।

उनले भनिन्, “हामी बच्चा बेच्दैनौं, हुर्काउँछौं। मलाई हटाएर बहुमत बनाउन खोजिएको हो।” आफूलाई ‘आमा’ भन्दै बच्चाहरूले आज पनि सम्झिने बताउँदै उनले यस्तो आरोप राजनीतिक बदला लिन गरिएको हो कि भन्ने प्रश्न उठाइन्। अमेरिकी दूतावासलाई चिठी लेखिएको विषयमा उनले भने, “चिठी लेखिए पनि पठाइएको थिएन।” रानाले ३५ वर्षदेखि बाल संरक्षणको क्षेत्रमा काम गर्दै आएको र त्यसलाई गलत रूपमा नहेर्न सबैलाई आग्रह गरिन्। उनले भनिन्, “मैले ट्राफिकिङ रोक्न काम गरेकी हुँ, मलाई बच्चाजस्तो व्यवहार गर्नु ठीक होइन। सरकार लोकतान्त्रिक तरिकाले अघि बढ्नुपर्छ।”