देशभर मनसुनी प्रभाव: केही स्थानमा भारी वर्षाको सम्भावना

काठमाडौँ ।  देशभर मनसुनी वायुको प्रभाव कायम रहेको जल तथा मौसम विज्ञान विभागले जनाएको छ। मनसुनको न्यून चापीय रेखा सामान्य अवस्थाको आसपास र पश्चिमतिर अलि उत्तरमा रहेको छ। कोशी, मधेश, बागमती, गण्डकी, लुम्बिनी र सुदूरपश्चिम प्रदेशका पहाडी भू–भागमा केही स्थानमा र अन्य प्रदेशका थोरै स्थानमा मेघगर्जन, चट्याङसहित हल्कादेखि मध्यम वर्षाको सम्भावना छ।

कोशी, बागमती, गण्डकी, लुम्बिनी र कर्णाली प्रदेशका एक–दुई स्थानमा भारी वर्षा हुन सक्ने अनुमान गरिएको छ। साथै उच्च पहाडी तथा हिमाली क्षेत्रमा थोरै स्थानमा वर्षा वा हिमपातको सम्भावना छ। राति पनि कोशी, मधेश, बागमती, गण्डकी र लुम्बिनीका केही स्थान तथा अन्य प्रदेशका थोरै स्थानमा मेघगर्जनसहित हल्कादेखि मध्यम वर्षा हुन सक्ने देखिएको छ।