सुनको मूल्य सामान्य बढ्यो, चाँदी भने स्थिर

काठमाडौँ, पुस १ ।  आज सोमबार नेपाली बजारमा सुनको मूल्यमा सामान्य वृद्धि भएको छ। नेपाल सुनचाँदी व्यवसायी महासंघका अनुसार, आज छापावाल सुनको मूल्य ४ सय रुपैयाँ बढेर १ लाख ५१ हजार २०० रुपैयाँमा पुगेको छ। यस अघि आइतबार सुनको मूल्य १ लाख ५० हजार ८०० रुपैयाँ थियो।

यता, चाँदीको मूल्य भने स्थिर रहेको छ। आइतबार १ हजार ८४० रुपैयाँमा कारोबार भएको चाँदी सोमबार पनि सोही मूल्यमा कारोबार भएको महासंघले जानकारी दिएको छ।