नारायणगढमा मोटरसाइकल र स्कुटरको ठक्कर, एकजनाको मृत्यु, तीन घाइते

नारायणगढ, असोज २८ । पूर्वपश्चिम राजमार्गको रत्ननगर नगरपालिका वडा ३ स्थित शान्तिचोकमा आइतबार साँझ भएको दुर्घटनामा एक जनाको मृत्यु र तीन जनाले घाइते भएका छन्।

खैरहनीबाट टाँडीतर्फ जाँदै गरेको ना ४६ प ८२४८ नम्बरको मोटरसाइकल र टाँडीबाट खैरहनीतर्फ जाँदै गरेको ना ५६ प ९१६९ नम्बरको स्कुटरबीच साँझ ६ बजेर १५ मिनेटको समयमा ठक्कर भएको हो।

जिल्ला प्रहरी कार्यालय चितवनका प्रहरी नायव उपरीक्षक भेषराज रिजालका अनुसार दुर्घटनामा मृत्यु हुने व्यक्तिको पहिचान चितवन खैरहनी नगरपालिका वडा नम्बर १ का दिपेश चौधरीको रूपमा भएको छ। उहाँको भरतपुरस्थित मनकामना अस्पतालमा उपचारको क्रममा साँझ ७ः४० बजे मृत्यु भएको थियो। उहाँ स्वयं स्कुटर चलाउँदै थिए।

दुर्घटनामा मोटरसाइकल चालक २२ वर्षीय अनिस बस्नेत र पछाडि बस्ने २२ वर्षीय सुजेक दराई घाइते भएका छन् र उनीहरूलाई पुरानो मेडिकल कलेज भरतपुरमा उपचार भइरहेको छ।

स्कुटरमा सवार २४ वर्षीय अर्जुन चौधरीको नाक र मुखमा चोट लागेको छ र उहाँको अवस्था गम्भीर रहेको बताइएको छ। उहाँको पनि मनकामना अस्पतालमा उपचार भइरहेको छ।