हेटौडा । बागमति प्रदेश स्वास्थ्य मन्त्रालय अन्तर्गत स्वास्थ्य आपूर्ति व्यवस्थापन केन्द्रले आज एक महत्वपूर्ण अन्तरक्रिया कार्यक्रम आयोजना गर्यो। यस कार्यक्रममा प्रदेश स्वास्थ्य मन्त्री किरण थापा, स्वास्थ्य आपूर्ति व्यवस्थापन केन्द्रका प्रमुख र अन्य सम्बद्ध अधिकारीहरूले सहभागिता जनाए।
कार्यक्रमको प्रमुख उद्देश्य हेमाेफिलिया रोगबाट प्रभावित व्यक्तिहरूलाई आवश्यक एन्टि हेमाेफिलिक फ्याक्टरको प्रभावकारी आपूर्ति र वितरण सुनिश्चित गर्नु रहेको छ। यसका लागि, विभिन्न स्वास्थ्य सेवाप्रदाता र आपूर्तिकर्ताहरूसँग सहयोगको अनुगमन गरिनुका साथै, फ्याक्टरको खरिद र बिक्री प्रक्रियामा पारदर्शिता र दक्षता कायम राख्नका लागि रणनीति तयार पारिएको छ।
कार्यक्रममा मन्त्री थापाले स्वास्थ्य सेवा सुधार र अनिवार्य औषधि आपूर्तिमा गुणस्तर र पारदर्शिताको महत्वलाई जोड दिएका छन्। उनले हेमाेफिलिया प्रभावित व्यक्तिहरूको जीवनस्तर सुधार गर्न र तिनका लागि सस्तो र नियमित आपूर्ति सुनिश्चित गर्न सरकार प्रतिबद्ध रहेको बताएका छन्।
स्वास्थ्य आपूर्ति व्यवस्थापन केन्द्रका प्रमुखले हेमाेफिलिया प्रभावित व्यक्तिहरूको उपचारमा आवश्यक फ्याक्टरको उपलब्धता सुनिश्चित गर्न र वितरण प्रणालीलाई थप प्रभावकारी बनाउनका लागि आवश्यक कदम चाल्ने प्रतिबद्धता जनाए।
यस कार्यक्रमले बागमति प्रदेशमा हेमाेफिलिया प्रभावित व्यक्तिहरूको उपचारमा महत्वपूर्ण योगदान पुर्याउने विश्वास व्यक्त गरिएको छ।
सम्पादक:
लोकेन्द्र भण्डारी
समाचार संयोजक:
सुनिल आचार्य
रिपोर्टर:
अनिता बिष्ट
सरोज वोलखे
