विश्व बैंकका वरिष्ठ प्रबन्ध निर्देशक नेपालमा

काठमाडौँ, असार ३ । काठमाडौँमा आयोजना हुन लागेको अन्तर्राष्ट्रिय विकास संस्था ९आइडा० को बैठकमा भाग लिन विश्व बैंकका वरिष्ठ प्रबन्ध निर्देशक एक्सेल भान ट्रोसेनवर्ग आज नेपाल आएका छन् । विश्व बैंक समूहअन्तर्गतको अन्तर्राष्ट्रिय विकास संस्थाको तेस्रो परिपूरण ९थर्ड रेप्लेनिसमेन्ट० बैठकअर्थात् आइडा–२१ बैठक यही असार ४ देखि ७ गते सम्म काठमाडौँमा आयोजना हुँदै छ ।

आइडा–२१ बैठकले न्यून आय भएका राष्ट्रहरुका लागि सहुलियतपूर्ण वित्तीय स्रोत परिचालन गर्न कस्तो नीति तथा मार्गदिशा तय गर्ने भन्नेबारे छलफलसहित महत्वपूर्ण निष्कर्ष निकाल्नेछ । पाँच दिनको नेपाल भ्रमणमा आएका वरिष्ठ प्रबन्ध निर्देशक एक्सेलले प्रधानमन्त्री पुष्पकमल दाहाल ‘प्रचण्ड’, अर्थमन्त्री वर्षमान पुन, मुख्यसचिव डा वैकुण्ठ अर्याल, विभिन्न विकास साझेदारलगायतसँग भेटघाट गर्ने साथै उनले २०७२ सालको भूकम्पपछि आइडाको सहायतामा पुनःनिर्माण भएको काभ्रेपलाञ्चोकको रविओपी क्षेत्रको अवलोकन गर्ने कार्यक्रम रहेको छ । आइडा–२१ बैठकको प्रधानमन्त्री दाहालले उद्घाटन गर्ने छन् ।

आइडा विश्व बैंकको सहुलियतपूर्ण ऋण र अनुदानका अतिरिक्त आर्थिक विकासमा पछि परेका मुलुकका लागि बहुपक्षीय सहायता प्रदान गर्ने निकाय हो । आइडाले न्यून र मध्यम आय भएका विश्वका ७५ भन्दा बढी मुलुकमा सहायता उपलब्ध गराउँदै आएको छ ।