आजदेखि काठमाण्डौ महानगरमा सुर्तीजन्य पदार्थको बिक्री गर्न नपाइने

काठमाडौं , मङ्सिर २७ ।  काठमाडौं महानगरपालिकाले आजदेखि सुर्तीजन्य पदार्थहरूको बिक्री , प्रयोग र कारोबारमा प्रतिबन्ध  लगाएको छ । महानगरपालिकाको स्वास्थ्य विभागका प्रमुख रामप्रसाद पौडेलका अनुसार आजदेखि प्लास्टिकमा प्याक गरिएका सुर्तीजन्य पदार्थको बिक्री, भण्डारण तथा प्रयोगलाई पूर्णरूपमा निषेध गरिएको छ ।

महानगरले मङ्सिर १२ गते  एक सूचना प्रकाशित गर्दै सुर्तीजन्य पदार्थहरूको बिक्री वितरणमा पूर्ण रूपमा प्रतिबन्ध लगाउने घोषणा गरेको थियो । नियमको अटेर गर्नेलाई कारबाही हुने महानगरले जनाएको छ ।

सुर्तीजन्य पदार्थको सेवनले मानव स्वास्थ्यको लागि अत्यन्त हानिकारक रहेकाले यसलाई पूर्ण रूपमा प्रतिबन्ध लगाउने घोषणा गरेको महानगरले बताएको छ ।