इजरायलमा मृत्यु भएका नेपालीको परिवारलाई १० लाख राहत दिने

काठमाडौँ २२ असोज | इजरायलमा हमास विद्रोहीको आक्रमणमा परेर १० जना नेपाली विद्यार्थीको मृत्यु भएकामा सरकारले राष्ट्रिय शोकको घोषणा गरेको छ ।सोमबार अपराह्न बसेको मन्त्रिपरिषद बैठकले नेपालीहरूको मृत्यु भएकोमा राष्ट्रिय शोक घोषणा गर्ने निर्णय गरेको सरकारकी प्रवक्ता रेखा शर्माले जानकारी दिइन्।

गृहमन्त्री नारायणकाजी श्रेष्ठले स्वदेश आउन चाहने सबै नेपालीलाई उद्धार गर्ने निर्णय भएको जानकारी दिए । साथै,  हमासको आक्रमणमा परी ज्यान गुमाएकाको परिवारलाई १०-१० लाख राहत दिने निर्णय  मन्त्रिपरिषद बैठकले निर्णय गरेको छ ।

इजरायलमा नेपालबाट इन्टर्नमा गएकामध्ये १० विद्यार्थीको मृत्यु भएको थियो । केही घाइते छन् । बङ्करमा लुकेर रात बिताइरहेकाहरूले उद्धारको याचना गरेका छन् ।