अफगानिस्तानमा ६.३ रेक्टरको भूकम्पमा सयौंको मृत्यु , ५ सयभन्दा बढी घाइते

काठमाडौँ , २१ असोज | इरानको सीमानजिकै रहेको पश्चिमी अफगानिस्तानमा गएको शक्तिशाली भूकम्पमा परी सयौं मानिसको मृत्यु भएको आशंका गरिएको छ । ६।३ म्याग्निच्युडको भूकम्प स्थानीय समय अनुसार बिहान ११ बजे पश्चिमी सहर हेरातबाट ४० किलोमिटर टाढा गएको थियो।धेरै भवनहरू क्षतिग्रस्त भएका छन् ।

मानिसहरूलाई भग्नावशेषमा फसेका छन् र त्यहाँ कम्तिमा तीनवटा शक्तिशाली अफ्टरशक्सहरू थिए । भूकम्पको केन्द्रविन्दु हेरातबाट करिब ४० किलोमिटर उत्तर–पश्चिममा थियो। भूकम्पबाट हेरात प्रान्त सबैभन्दा बढी प्रभावित बनेको बताइएको छ।

संयुक्त राष्ट्र सङ्घले मृत्यु हुनेको सङ्ख्या बढ्न सक्ने चेतावनी दिएको छ।हेरात प्रान्तीय अस्पतालका निर्देशकले बीबीसीलाई कम्तिमा २५५ जनाको मृत्यु भएको र करिब ५०० जना घाइते भएको बताए । उनले मृतक र घाइतेको संख्या अन्तिम नभएको र यो संख्या परिवर्तन हुन सक्ने बताए ।

यसअघि शनिबार प्रान्तका प्रकोप व्यवस्थापन प्रमुख मोसा अशारीले पत्रकारहरूलाई भने, “अहिलेसम्म हाम्रो रेकर्डमा १,००० भन्दा बढी घाइते महिला, बालबालिका र वृद्ध नागरिकहरू समावेश भएका छन् र करिब १२० जनाको ज्यान गएको छ।