आफूहरूमाथि श्रृंखलावद्ध आक्रमण हुन थालेको भन्दै चिकित्सकद्धारा विरोधमा प्रदर्शन

काठमाडौँ  , असोज ९  | चिकित्सकमाथि कुटपिट गरेको विरोधमा काठमाडौंमा प्रदर्शन भएको छ। आफूहरूमाथि श्रृंखलावद्ध आक्रमण हुन थालेको भन्दै सुरक्षाको माग राख्दै चिकित्सकहरू प्रदर्शनमा उत्रिएका छन् । चिकित्सकहरूले आफ्नो सुरक्षा र काम गर्ने वातावरणको माग गर्दै आन्दोलनमा उत्रेका छन्।

प्रदर्शनमा पाटन अस्पताल, वीर अस्पताल लगायत काठमाडौं‌ उपत्यकाका चिकित्सकहरू सहभागी रहेको छ ।आइतबार राति लमजुङ जिल्ला अस्पतालमा बेसीशहर नगरपालिका, ७ का वडाध्यक्ष ऋषिराम बस्नेतले चिकित्समाथि कुटपिट गरेका थिए ।

सोमबार मणिपाल शिक्षण अस्पतालमा उपचारका लागि ल्याइएकी लमजुङकी ५७ वर्षीया सुकमाया दुराको उपचारको क्रममा मृत्यु भएपछि मृतकका आफन्तले सोमबार चिकित्सकमाथि कुटपिट गरेको थिए ।आज बिहान   पाटन स्वास्थ्य विज्ञान प्रतिष्ठानमा  चिकित्सकमाथि कुटपिट भएको छ।

गत भदौ २७ गते हेटौंडाको सञ्चो अस्पतालमा बिरामीका आफन्तले दुई जना चिकित्समाथि कुटपिट गरेका थिए।