नेम्वाङलाई राजकीय सम्मानका साथ अन्त्यष्टि गरिने, भोलि सार्वजनिक विदा

काठमाडौँ, २६ भाद्र । एमाले उपाध्यक्ष एवं  संविधानसभाका अध्यक्ष सुवास नेम्वाङको राजकीय सम्मानका साथ अन्त्यष्टि गरिने भएको छ ।

मन्त्रिपरिषदको आज बसेको वैठकले नेम्वाङको अन्त्यष्टिमा राष्ट्रिय सम्मान दिने र अन्त्यष्टि गरिने दिन भोलि सार्वजनिक विदा समेत दिने निर्णय गरेको हो ।

मन्त्रिपरिषदको बैठकले यस्तो निर्णय गरेको पर्यटन मन्त्री सुदन किराँतीले जानकारी गराए । उनका अनुसार छोराहरु विदेशमा रहेकाले आएपछि मात्रै अन्त्यष्टि गरिने तयारी भएकाले जहिले अन्त्यष्टि गरिन्छ त्यही दिनमा नै सार्वजनिक बिदा दिने निर्णय भएको छ ।

इलाम-२ बाट निर्वाचित संविधानसभाका अध्यक्षसमेत रहेका  प्रतिनिधिसभा सदस्य नेम्वाङको मंगलबार बिहान हृदयघातका कारण काठमाडौंमा निधन भएको थियो।