प्राकृतिक प्रकोपबाट जनधन गुमाएकालाई क्षतिपूर्तिको व्यवस्था गर्न जनार्दन शर्माको माग

काठमाडौँ, भदौ १८ ।  नेकपा  माओवादी केन्द्रका  सांसद जनार्दन शर्माले रुकुम पश्चिम, जाजरकोट र सल्यानको केही भागमा हावाहुरीसहित ठूलो धनजनको क्षति भएको उल्लेख गर्दै तत्काल राहत र क्षतिपूर्तिको व्यवस्था गर्न सरकारसँग माग गरेका छन् ।

त्यहाँको मुख्यबालीको रुपमा रहेको मकैबाली पनि नष्ट भएकाले उचित क्षतिपूर्तिको व्यवस्था गर्न सरकारले ढिलाई गर्न नहुने र पीडितलाई राहत दिने काममा स्थानीय सरकार लागि परे पनि संघीय सरकारले अझै पहल नगरेको गुनासो व्यक्त गरे ।

यही भाद्र १७ गते हावाहुरीसहितको अविरल वर्षाका कारण मृत्यु भएको रुकुममा दुई बालिबालिका र जाजरकोटका एक जनाको भएको थियो । मृत्युप्रति हार्दिक श्रद्धाञ्जली अर्पण गर्दै पीडित परिवारलाई उचित राहत र क्षतिपूर्तिको व्यवस्था गर्न सांसद जनार्दन शर्माले आग्रह गरे ।