उपनिर्वाचनका कारण त्रिविले सार्‍यो १० गतेको परीक्षा

काठमाडौँ, वैशाख ८ । यही वैशाख १० गतेहुने भनिएको स्नातक तह प्रथम वर्षका वार्षिक परीक्षाहरु एक साता पछि सारेको छ । त्रिभुवन विश्वविद्यालयले वैशाख १० गते उपनिर्वाचन हुन लागेको भन्दै सो दिनका परीक्षा वैशाख १६ गतेलाई सारेको छ ।

त्रिविले वैशाख १० गते बिहान ७ बजे व्यवस्थापन संकायको फाइनान्स र दिउँसो १२ बजे मानविकी संकायको अंग्रेजी, नेपाली, हिन्दी, नेपाल भाषा, मैथिली र संस्कृतको परीक्षा तोकेको थियो ।