मेयर बालेनविरुद्ध सर्वोच्चमा परेको  रिटमा आज सुनुवाई हुँदै

काठमाडौँ , ५ वैशाख |काठमाडौं महानगरपालिकाका मेयर बालेन्द्र साह विरुद्ध सर्वोच्च अदालतमा परेको  रिटमा आज सुनुवाई हुँदैछ। सिंहदरवार, बालुवाटार र राष्ट्रपति कार्यालय शीतल निवासको फोहोर नउठाएको भन्दै अधिवक्ता पदम श्रेष्ठले काठमाडौं महानगरपालिकाका मेयर साहविरुद्ध सोमवार सर्वोच्च अदालतमा  रिट  हालेका थिए ।

तत्काल संकलन गरी ल्याण्डफिल्ड साइडमा लैजान र नियमित फोहोर संकलन र विसर्जन गर्न रिटमा माग गरिएको छ।

आफूले राखेको माग पूरा नगरेको भन्दै महानगरपालिकाका मेयर बालेनले १० दिनदेखी सिंहदरबारभित्रको   फोहोर संकलन गर्ने कम्पनीलाई निर्देशन दिएका छन् ।