भारतको दक्षिणी क्षेत्रमा लु का कारण १६ जनाको मृत्यु

काठमाडौँ । दक्षिणी भारतमा जारी तीव्र गर्मी लहर ९लु० का कारण कम्तीमा १६ जनाको मृत्यु भएको छ। सबैभन्दा बढी असर तेलङ्गाना राज्यमा परेको छ, जहाँ सरकारले जनस्वास्थ्य सतर्कता जारी गरेको छ। अधिकारीहरूले वृद्ध, बालबालिका र गर्भवती महिलालाई दिउँसो घरबाहिर ननिस्कन आग्रह गरेका छन्।

हाल भारतका धेरै सहरमा तापक्रम ४५ डिग्री सेल्सियसभन्दा माथि पुगेको छ। नयाँदिल्ली लगायत क्षेत्रमा अत्यधिक गर्मीका कारण दैनिक जीवन प्रभावित बनेको छ। भारतको मौसम विभागले अझै केही दिनसम्म लु जारी रहने चेतावनी दिएको छ।

विशेषज्ञहरूले जलवायु परिवर्तनका कारण यस्तो गर्मी लहर पहिलेभन्दा लामो र कडा बन्दै गएको बताएका छन्। भारतले सन् २०७० सम्म शून्य कार्बन उत्सर्जन गर्ने लक्ष्य राखेको छ। गर्मीबाट जोगिन सावधानी अपनाउन अधिकारीहरूले आग्रह गरेका छन्।