ट्रयाक्टर दुर्घटनामा परी ४ जनाको मृत्यु

ताप्लेजुङ ,२ कार्तिक ।ताप्लेजुङको मैवाखोला गाउँपालिका–४ मा गए राति ट्रयाक्टर दुर्घटनामा परी ४ जनाको निधन भएको छ ।

५५५६ नम्बरको ट्रयाक्टर दुर्घटना  हुँदा मैवाखोला ५ का ट्रयाक्टर चालक काम्साङका ३१ वर्षीय पासाङ शेर्पा,उनका भाई २४ वर्षीय फुर्बा शेर्पा, मैवाखोला–४ ओदकका २२ वर्षीया सर्मिला शेर्पा र उनकी बहिनी १७ वर्षीया लाकी शेर्पाको मृत्यु भएको  प्रहरीले जनाएको छ ।

उनका अनुसार उनीहरु सबैको घटनास्थलमा नै निधन भएको हो । ट्रयाक्टर सडकबाट करिब दुई सय मिटरमुनि झरेको बताइएको छ ।