गृहमन्त्री खाणद्धारा पहिरामा बेपत्ता भएकाको खोजी र घाइतेको उपचार गर्न निर्देशन

काठमाडौँ  , असोज २२ |जुम्लाको कनकासुन्दरी गाउँपालिकामा पहिरोमा पुरिएर पाँच जनाको मृत्यु भएको  छ ।अन्य दुईजना घाइते भएकामध्य एकको अवस्था गम्भीर रहेको छ ।अझै दुई जना बेपत्ता छन् ।

गृहमन्त्री बालकृष्ण खाणले पहिरामा परेर बेपत्ता भएकाहरुको खोजी कार्य र घाइतेको उपचारमा कमी हुन नदिन स्थानीय प्रशासन तथा सुरक्षा निकायलाई निर्देशन दिएका छन् ।

खराब मौसमका कारण हेलिकप्टर जान नसकेको जुम्लाका प्रमुख जिल्ला अधिकारी मुकेशकुमार केसरीले जानकारी दिए ।