आजको मौसम:आज पनि मेघ गर्जन र चट्याङ्गसहित पानी पर्ने

 काठमाडौँ  , २१ असोज | चार दिनदेखिको लगातारको झरी पछि आज बिहानबाट मौसममा केही सुधार आएको छ ।जल तथा मौसम विज्ञान विभागका अनुसार आज दिउँसो कर्णाली र सुदूरपश्चिम प्रदेशमा सामान्यदेखि पूर्ण बदली रही बाँकी प्रदेशमा आंशिकदेखि सामान्य बदली रहनेछ ।विभागका अनुसार मुलकभर आज पनि मेघ गर्जन र चट्याङ्गसहित पानी पर्ने छ ।

भरे राति कर्णाली र सुदूरपश्चिम प्रदेशका एक दुई स्थानहरूमा भारी वर्षाको सम्भावना रहेको छ ।नदीनाला तथा खहरे खोलाहरूमा पानीको सतह बढ्न सक्ने  र दैनिक जनजीवन समेत प्रभावित हुनसक्ने भएकाले आवश्यक सतर्कता अपनाउन विभागको आग्रह छ ।